Article de Prouvènço Mantèn – revisto dóuFelibrige – Mantenenço de Prouvènço

A tèms passa, e jusqu’à la debuto dóu siècle vinten, lou mounde, couneissènt pas l’eleitricita, aproufichavo pas dóu counfort di lume dis ampoulo que s’escleiron au quicha d’un boutoun. Lou fougau e li calèu fournissien dins lis oustau e lis ataié prouvençau la clarour rougejanto que permetié de travaia meme quand, dins l’ivèr, la lus dóu soulèu sufisié pas pèr ié vèire proun.

L’equinòssi de mars, ounte li jour e li niue soun d’egalo durado, marco la debuto de la primo. Pèr nautre, la dato de l’equinòssi, fissado pèr lis astrounome, es lou mai souvènt la dóu 20 de mars, quàuqui fes lou 21 e, gaire gaire souvènt, lou 19. Nòstis aujòu, èli, pensavon que l’equinòssi se capitavo lou 25 de mars, jour de la fèsto crestiano de l’Anounciacioun, dicho tambèn en Prouvènço « Nosto-Damo de mars ». À coumta d’aquelo dato, li jour van crèisse au despèns di niue pièi descrèisse à partir dóu soulstice de jun (Sant Jan d’estiéu) e fin qu’à l’equinòssi d’autouno lou 22 o 23 de setèmbre.

Tre Nosto-Damo de mars, se pòu travaia dins lis ataié sènso l’ajudo d’un lume. Vaqui lou perqué di dicho :

Èro uno coustumo que se fasié, d’ana entre coulègo nega li lume en mandant à l’aigo quauque lumenoun atuba – viholo, cruvèu de cacalauso o candeloun – fissa sus un planchoun. Fai aro d’annado emai d’annado que la coustumo s’es reviéudado dins la Vaucluso, à Veleroun un tèms, à Mountèu pièi, à Bedarrido enfin, ounte se perseguis encaro à l’ouro d’aro. S’estènt acampa dins la viloto, li comtadin de la bono que volon faire subre-viéure aquelo coustumo,van en passo-carriero enjusquo en ribo d’Óuvezo. Aqui, chascun mando à l’aigo sa barqueto que dessus i’a empega un lumenoun. L’embarcacioun pòu èstre de papié, mai subre-tout de bos, simplo plancheto pintado, radelet de cano, cruvèu de nose de cocò… Lou principau es que siegue poulido, mai o mens adournado, e subre-tout facho dins uno matèri que matrasso pas l’envirounamen.

Aquelo coustumo festivo s’amerito d’èstre couneigudo e, perqué pas, reviéudado dins mant un endré de Prouvènço en ribo de mar o de ribiero.

Jadis, et jusqu’au début du vingtième siècle ; on ne connaissait pas l’électricité, on ne profitait pas du confort de la lumière des ampoules qui s’éclairent en appuyant sur un bouton. Le foyer (l’âtre) et les bougies - lampes à huile… fournissaient dans les maisons et les ateliers la clarté rougeoyante qui permettait de travailler même quand, l’hiver, la lumière du soleil ne suffisait pas pour y voir suffisamment.

L’équinoxe de mars, où le jour et la nuit sont d’égale durée, marque le début du printemps. Pour nous, la date de l’équinoxe, fixée par les astronomes, est le plus souvent celle du 20 mars, parfois le 21 et, très peu souvent, le 19. Nos aïeux, eux, pensaient que l’équinoxe avait lieu le 25 mars, jour de la fête chrétienne de l’Annonciation, appelée aussi en Provence « Notre-Dame de mars ». A compter de cette date, les jours vont croître aux dépens des nuits puis décroître à partir du solstice de juin (St Jean d’été) et jusqu’à l’équinoxe d’automne le 22 ou 23 septembre.

Dés Notre-Dame de mars, on peut travailler dans les ateliers sans l’aide d’une lumière. Voilà le pourquoi des dictons :

C’était une coutume qui se faisait, d’aller entre amis, noyer les lumières en mettant à l’eau quelques petits lumignons éclairés – veilleuse, coquille d’escargot ou petites bougies – fixaient sur une planchette. Cela fait maintenant bien d’années que la coutume s’est ranimée dans le Vaucluse, à Velleron un moment, puis à Monteux, enfin à Bédarrides, où elle se perpétue encore aujourd’hui. Les vaillants Comtadins, qui veulent faire survivre cette coutume, se rassemblent dans la petite ville et défilent jusqu’à l’Ouvèze. Là, chacun met à l’eau sa barquette sur laquelle il a collé un lumignon. L’embarcation peut être de papier, mais surtout de bois, simple planchette peinte, petit radeau de canne, coque de noix de coco… le principal est qu’elle soit jolie, plus ou moins décorée, et surtout faite dans une matière qui ne maltraite pas l’environnement.

Cette coutume festive mérite d’être connue et, pourquoi pas, ranimée dans plusieurs lieux en Provence en bord de mer ou de rivière.